Nënkryetari i Partisë Demokratike, Edi Paloka, ka zhvilluar sot një mbledhje me strukturat e kësaj force politike në Kamëz. Në takim ka qenë i pranishëm edhe Xhelal Mziu, kryetari i PD-së në Kamëz, i cili njofton në rrjetet sociale se pas udhëzimit të dhënë nga Partia Demokratike, kanë nisur përgatitjet e strukturave për zgjedhje të parakohshme.
“z. Xhelal Mziu, Kryetar i PD-se Kamez dhe njekohesisht Kryetar i Bashkise si dhe z. Edi Paloka Nenkryetar i Partise Demokratike te Shqiperise i deleguar ne degen e PD-se Paskuqan, takim me kryesine e deges ne kuadrin e plotesimit te kerkesave te Udhezimit te PDSH-se per pregatitjet e nisura per zgjedhje te parakohshme”, shkruan Xhelal Mziu, bashkëngjitur disa fotove në Facebook.
Më herët, Basha është shprehur se beteja e opozitës do të triumfojë dhe parimet demokratike do instalohen në Shqipëri, vetëm atëherë kur të përmbushet kushti që shqiptarët të kenë mundësi për zgjedhje të lira dhe të ndershme.
