Që prej ditës së djeshme, baret dhe restorantet në të gjithë vendin kanë nisur punën, pas më shumë se 2 muajsh që ishin mbyllur.
Kryeministri Edi Rama ka sqaruar edhe një herë se në zonat e kuqe ato do të jenë të hapura deri në orën 21:00, ndërsa në zonat jeshile mund të rrinë të hapura edhe përtej këtij orari.
Në një intervistë për News24, kreu i qeverisë theksoi se kufizimi deri në orën 21:00 në zonat e kuqe do të vijojë edhe për disa ditë, pastaj mund të qëndrojnë hapur edhe më gjatë.
Kryeministri sqaroi se bëhet fjalë për ambientet e jashtme të këtyre bizneseve dhe jo ato të brendshme.
“Deri në orën 9 është e lirë lëvizja pa autorizim dhe lokalet dhe restorantet në zonat e tjera mund të rrinë hapur dhe përtej orës 9. Në zonat e kuqe dhe për pak ditë do rrinë hapur deri në 9 dhe pastaj dhe më gjatë gjithmonë duke shërbyer jashtë jo brenda”, tha ai.
