Kryeministri Edi Rama njoftoi mbrëmjen e djeshme se edhe kjo fundjavë do të jetë e kufizuar sa i përket qarkullimit apo veprimit të bizneseve.
Njëlloj si në javët e kaluar, nuk do të lejohen aktivitetet e biznesit, përveç farmacive dhe pikave të shitjes së produkteve ushqimore me pakicë. Këto të fundit lejohen të ushtrojnë aktivitetin e tyre ditën e shtunë, datë 23 Maj 2020 deri në orën 21:00.
Ndërkohë, dita e diel do i gjejë të gjitha aktivitetet e mbyllura. Nuk do të lejohet lëvizja e makinave, ndërsa do lejohet lëvizja e pensionistëve, ditën e shtunë dhe ditën e diel, datë 23 dhe 24 maj 2020 deri në orën 10:00. Ata duhet të jenë të shoqëruar me jo më shumë së një person në krah.
Gjithashtu do të lejohet lëvizja e prindërve me fëmijëve deri në moshën 14 vjeç, ditën e shtunë dhe ditën e diel, pas orës 11, të pashoqëruar me persona të tjerë në krah.
