Monedha evropiane ka pësuar disa luhatje të lehta të vlerës gjatë kësaj jave duke u këmbyer në fund të saj me 124.1 lekë, referuar të dhënave të publikuara të Bankës së Shqipërisë.
Ndërkaq Paundi britanik ka ndjekur një linjë progresive gjatë periudhës së 6-10 korrikut, duke fituar ditën e enjte rreth 1 pikë në raport me fillim e javës teksa ka kapur nivelin e 138.68 lekë ditën e premte.
Dollari amerikan e ka nisur këtë javë në kuotën e 110.04 lekë duke regjistruar më pas një rënie të lehtë të vlerës teksa ka arritur dje në nivelin e 109.94 lekë.
Franga zvicerane është e vetmja valutë e huaj që nuk ka pësuar ndryshime të forta të vlerës duke u këmbyer në fund të kësaj jave me 116.77 lekë sikurse edhe ditën e hënë. /SCAN
