“Ec aty babuç”/ Të burgosurit shqiptarë në Greqi festojnë Krishtlindjet (Video)

Këtë vit, Krishtlindjet u festuan ndryshe nga herët e tjera, për shkak të pandemisë së Covid-19 që ka mbërthyer globin.

Megjiithatë, të burgosurit shqiptarë në Greqi nuk e kanë harruar këtë festë edhe pse ndodhen të mbyllur në qeli.

Në mediat greke, ka qarkulluar një video ku shihen të dënuarit shqiptarë në burgun e Koridhalos që festojnë me alkool, valle e ritme muzikore të këngëtarit Notis Sfakianakis, i cili gjithashtu u vu në pranga pak javë më parë, pasi iu gjet një sasi kokaine dhe një armë zjarri.

“Ec aty babuç”, dëgjohet të thonë shqiptarët në sfond, teksa hedhin vallen e famshme greke “Zebeqiko”.

Në video shihet se është shtruar një tryezë e madhe, ku janë mbeldhur bashkë shqiptarë dhe grekë duke thyer kështu edhe rregullat e vendosura për pandeminë.

Publikimi i videos në rrjetet sociale ka detyruar autoritetet greke të nisin një hetim për mënyrën sesi janë futur celularët dhe pijet alkoolike brenda mureve të burgut.