Kryeministri Edi Rama e mbajti sekret vendin që i dhuroi Shqipërisë 975 dozat e para të vaksinës, pasi tha se vetë vendi dhurues kërkonte që t’i ruhej konfidencialiteti.
Edhe pse është pyetur shumë herë, Rama ka vendosur të mos përgjigjet, por ka qenë gazetari Sokol Balla ai që ka zbuluar se cili ka qenë shteti që i ka dhuruar Shqipërisë dozat e para të vaksinave.
Bëhet fjalë për Italinë, shteti që na dhuroi 975 vaksina të kompanisë Pfizer, me gazetarin që u shpreh se këtë informacion e ka të sigurt nga burimet e tij.
”Nga informacionet e mia. Të siguroj se vaksinat e para kanë ardhur nga Italia.’‘- tha Balla në emisionin ”Real Story”.
