Gjykata e Tiranës ka lënë në burg tre nga katër të arrestuarit për vrasjen e të riut Indrit Çelaj. Prapa hekurave mbeten shtetasit Bujar Kusi, babai i autorëve të ngjarjes, Ferdinand Bakalli dhe Ali Sula, ndërkohë që për të arrestuarin tjetër, Luan Caka është vendosur masa e sigurisë “arrest shtëpie”.
Kusi dhe Bakalli akuzohen për “Veprime që pengojnë zbardhjen e të vërtetës”, ndërkohë, dy të arrestuarit e tjerë, Luan Caka dhe Ali Sula, për “Mos kallëzim krimi” dhe “Veprime që pengojnë zbardhjen e të vërtetës”.
I riu u qëllua me armë zjarri në një vilë pranë rrugës ‘Myslym Shyri’, ku dhe u gjet i plagosur rëndë duke ndërruar jetë në spital. Identifikimi i tij u arrit disa orë pas ngjarjes, ndërsa pretendohej nga policia se viktima nuk kishte mjet identifikimi.
Një zënkë për disa pika ‘uji që rridhnin nga kondicioneri’, ka degjeneruar në vrasje me një plumb në kokë ndaj të riut Indrit Çelaj.
