Pak çaste më parë ka zbritur në aeroportin e “Rinasit”, kampionia e botës në peshëngritje, Romela Begaj. Ajo fitoi medalje ari në kampionatin botëror të mbajtur në ShBA.
Për post medias dhe gazetarëve asnjë nga figurat politike nuk është parë në aeroport për të pritur kampionen e botës në peshëngritje, duke treguar dhe njëherë se krenaria jonë për simbolet, është një emocion i momentit dhe asgjë më shumë.
Begaj ka zbritur në aeroport, por asnjë ceremoni nderimi nuk i është bërë shqiptares, e cila ngriti në majat botërore flamurin kombëtar.Por, Begaj me shpirtin e saj kampion, pavarësisht të gjithave ajo ua dedikojë fitoren të gjithë shqiptarëve.
“Medalja e artë nuk ishte vetëm për mua, por për të gjithë Shqipërinë”-tha Begaj. Për të rrëmbyer këtë trofe, Begaj tha se është stërvitur për një vit radhazi për këtë dhe falenderimet u shkojnë të gjithë atyre që kanë punuar me mua dhe tashmë po shijojmë këtë trofe.
“Jam shumë e lumtur që arrita këtë rezultat, të dal kampione bote me medalje të artë dhe nënkampione. U vlerësua sakrifica ime. E kam marrë me gjak këtë rezultat dhe nuk ishte e lehtë”-përfundon Begaj duke lënë të kuptohet se suksese të tjera e presin kampionen.
