Kreu i Shtetit Ilir Meta edhe pse ishte jo shumë mirë nga ana shëndetësore, siç e pohoi edhe vetë publikisht, mbajti pasditen e sotme një Konferencë për Shtyp.
Përgjatë saj, Meta edhe një herë tjetër rrëfeu arsyet se përse vendosi që të ç’dekretonte zgjedhjet e 30 qershorit.
Mirëpo një frazë e thënë nga ai ditën e sotme, konkretisht “e gjeta konsensusin tek këmbëngulja e të dyja palëve për të mos dialoguar”, ka tërhequr vëmendjen e ministres së Shtetit për Marrëdhëniet me Parlamentin Elisa Spiropali.
Kjo e fundit ka reaguar përmes një postimi në Twitter, ku ndër të tjera shkruan se “kemi një president jo vetëm për të qarë hallin, po edhe për të mos harruar gazin”, duke e ironizuar kështu keq Metën.
Statusi i plotë: “E gjeta konsensusin tek këmbëngulja e të dyja palëve për të mos dialoguar. Këtë e thotë Presidenti i Shqipërisë, jo Bes Kallaku i Portokallisë. Duhet pranuar se kemi një president jo vetëm për të qarë hallin, po edhe për të mos harruar gazin”.
