Pas një muaji sakrificash dhe solidariteti, besimtarët myslimanë festojnë sot Fiter Bajramin. Për shkak të situatës nga pandemia, Bulevardi ‘Dëshmorët e Kombit’ sivjet nuk ka qenë vendi ku janë mbledhur mijëra besimtarë.
Xhamitë të cilat u hapën vetëm disa ditë më parë, mikpritën dhjetëra besimtarë, të cilët u falën për shëndetin e familjarëve.
Zonat e kuqe janë të mbyllura, dhe nuk lejohet asnjë aktivitet. Besimtarët nuk kryen dot faljen në sheshe, sikurse ishte traditë, por në xhami nën protokollet shëndetësore të sigurisë.
Pikërisht këto rregulla u komunikuan edhe nga kryeministri Rama, i cili u sulmua jo pak për këto masa.
Kryeministri Edi Rama u ka uruar festën të gjithë besimtarëve me anë të një videoje të postuar në Facebook.
