Vrasësi i efektivit ka patur një të shkuar kriminale. Aldi Rama i cili ndërroi jetë mëngjesin e sotëm, rezulton me precedentë të theksuar kriminale. 21-vjeçari, tre vite më parë ka qenë i implikuar në një ngjarje të ngjashme me një pengmarrje. Sikundër zbulon dokumenti i Gjykatës së Lezhës, më 28 korrik ai i kishte marrë telefonin e dashurës dhe i kërkonte 50 euro për t’ia kthyer. Pasi ata janë takuar, ajo i ka dhënë 50 euro, por ai nuk i ka kthyer telefonin. I ndjeri e kërcënonte se do publikonte fotot e saj që ndodheshin në telefon në rrjetet sociale. 21-vjeçari e ka dhunuar, e më tej ka marrë një taksi. Taksisti dhe dy shokët e tij kanë shkuar në një banesë të banuar në Lezhë, ku në një dhomë kanë kryer marrëdhënie seksuale me dëshirë. Vajza ka deklaruar se e ka detyruar që të konsumojë hashash.
Pjesë nga dokumenti
Ajo ka shkuar dhe e ka takuar të pandehurin në një parking, i ka dhënë 50 euro por Aldi Rama nuk i ka kthyer telefonin. Rama e ka gjuajtur me shpulla, ka marrë një taksi dhe taksisti dhe dy shokët e tij kanë shkuar në një banesë të banuar në Lezhë, ku në një dhomë kanë kryer marrëdhënie seksuale me dëshirë. Kanë pirë hashash dhe i pandehuri e ka qëlluar më grushte dhe shpulla, deri sa kanë ndërhyrë shokët e tij. Më tej e dëmtuara ka deklaruar se e ka nxitur dhe detyruar që të konsumoj hashash, dhe e ka kërcënuar se do i publikonte fotot e saj që ndodheshin në telefon në rrjetet sociale.
Kush është Aldi Rama?
21-vjeçari është rritur nga gjyshi i tij, pasi prindërit i kishte të divorcuar që në 2012. Të atin e ka në burg në Greqi. Në moshën 18-vjeçare, Aldi Rama bëri burg për herë të parë. Ai përfundoi pas hekurave, pasi akuzohej se i kishte grabitur telefonin të dashurës së tij, e gjatë kontrollit në banesën ku jetonte me gjyshin, i kishin gjetur dhe një cigare kanabis.
E dashura e kishte denoncuar në polici dhe për dhunë, por çështja u pushua. Në vitin 2020 ai është ndaluar për mbajtje pa leje e armëve të ftohta. Një vit më pas, paraditen e 28 shtatorit, ai qëlloi me armë zjarri në zemër oficerin e policisë, Saimir Hoxha, duke e lënë të plagosur rëndë. Plumbi i marrë në zemër, solli edhe vdekjen e efektivit 44-vjeçar.
