“Për’puthen” ka pikasur një tjetër personazh, që pritet të krijojë një tjetër atmosferë. E motra e Rrushes, Laureta Zyba nga Kosova, u mirëprit me entuziasëm nga djemtë e programit, por duket se ajo nuk është një emër i panjohur. Gjatë prezantimit në “Për’puthen”, ajo e prezantoi veten duke thënë se ishte 27-vjeçe, dhe me profesion balerinë dhe modele.
“Motivimi im për të qenë këtu është motra. Nëse do ishte vetëm një djalë këtu, s’do kishte sens të vija. Por unë dhe motra nuk i kemi shumë pëlqimet e njëjta. Patjetër që jo, s’do kemi konflikte me njëra-tjetrën. Edhe kur ka bërë takime, apo përzgjedhjet e saj e kam kritikuar”.
Por kush është e shkuara e errët e vajzës nga Kosova? Sipas mediave kosovare, Laureta Zyba është arrestuar në moshën 23-vjeçare, si bashkëpunëtore me një grup kriminal. Ajo u vendos në pranga në një operacion policor në vitin 2018 së bashku me tre persona të tjerë, dy shtetas malazezë të cilët ishin shpallur në kërkim ndërkombëtar për vrasje dhe një shtetas serb.
Laureta Zyba raportohet se punonte si striptiste në klube nate, dhe ishte shoqe e Donjeta Kosumi, e njohur me pseudonimin Kallashi.
Sipas policisë kosovare, të arrestuarit përveç urdhërarrestit ndërkombëtar për vrasje, dyshohej të ishin përfshirë edhe në veprat penale: ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ dhe ‘mbajtje në pronësi, kontroll apo posedim të armës’.
