Kryebashkiaku i Vlorës, Dritan Leli i ka cilësuar si një promovim pozitiv për qytetin bregdetar, përplasjet e tij të fundit me kryeministrin Edi Rama. Deklarata e Lelit, u bë ditën e sotme në emisionin “Edicioni Veror” në ABC.
Në lidhje me sulmet e ardhura në drejtim të tij edhe nga Këshilli Bashkiak pak ditë më parë, Leli tha se këto përplasje i ka cilësuar se është një njeri i gjerë dhe shikon me shumë hapësirë gjërat që ndodhin.
Dritan Leli: ”Le ta marrim si promovim pozitiv të Vlorës, Se në fund një lloj targetimi është. Duhet të shikojmë më tepër gjëra pozitive. Promovon më tepër qytetin. Ka pjesët e veta. Jemi këtu për të shijuar të bukurat e Vlorës. Unë jam njeri i gjerë. Pavarësisht se jam rritur në ishull hapësira ishte e pafund. Ka ndikuar shumë në karakterin tim. Nuk është se kam arritur në një fazë të tillë. Jam gjithmonë i fokusuar në atë që duhet të bëjë në përditshmërinë time., Dhe analiza i përket një momenti tjetër. Unë jam në punët e ditës. Pjesa më e rëndësishme.”
Përplasja mes Lelit dhe Ramës filloi para zgjedhjeve parlamentare të 25 prillit, kur ky i fundit i kërkoi kreut të bashkisë, që të dilte në fushatë dhe të bëhej deputet. Por, leli nuk pranoi të jepte dorëheqjen nga posti i tij, ku qendron edhe sot e kësaj dite.
