Një jetë e re do të nisë për një fëmijë në Rusi, pas një operacioni të vështirë që kreu në trupin e tij. Djali i cili erdhi në jetë në korrik të 2018, ishte me tre këmbë, dy organe gjenitale dhe pa anus.
Por mjekët kanë bërë një mrekulli. Ata kanë siguruar se djali tashmë do të bëjë një jetë normale.
Mjekët janë të mendimit se organet ekstra vijnë nga një binjak, që nuk u zhvillua plotësisht në mitër.
Sipas raportimeve të mediave vendase, mjekët e pikasën këmbën shtesë ndërsa nëna bënte një kontroll rutinë gjatë shtatzënisë. Pavarësisht se mjekët e sinjalizuan, ajo nuk pranoi që të abortonte, dhe fëmija erdhi në jetë me lindje natyrale.
Fëmija erdhi në jetë në korrik të 2018, dhe duke qenë se nuk kishte anus, kirurgët kryen një operacion urgjent për të rregulluar anomalinë.
Një muaj më vonë, djalit të vogël iu hoq me kirurgji edhe këmba që kishte shtesë.
Në shkurt të këtij viti, mjekët në Rusi kryen dhe një tjetër ndërhyrje për të hequr edhe organin shtesë gjenital, si dhe për të rregulluar plotësisht pozicionin e anusit.
