Rrëzimi fatal nga kali, për pak sa nuk i rrezikoi jetën një 15-vjeçareje. Rrëzimi nga kali i la pasoja të rënda, e ndërsa një pjesë e nofullës së saj mbahej në vetëm 1 cm lëkurë. 15-vjeçarja Emily Eccles, u lëndua rëndë pasi kali u tremb nga zhurma e një makine, dhe e përplasi tek një gardh me kangjella. Mjekët sapo u hasën me një rast të tillë, u shprehën për mediat se ky ishte më i rëndi që kanë parë jashtë një zone lufte.
Vajza ia doli mbanë, kjo falë punës së mirë të bërë nga një prej kirurgëve më të talentuar në rindërtimin e fytyrës. Plagët e saj janë shëruar vetëm brenda pak muajve. Ajo iu rikthye normalitetit, në sajë të 160 qepjeve në fytyrë.
Emily thotë se ajo mban mend që kapi diçka të kuqe përballë fytyrës, ndërsa rrëzohej prej kalit në një rrugë fshati afër Baslow në Derbyshire.
Adoleshentja tha: “Thjesht pash poshtë dhe thashë; Nuk e di se çfarë është ajo gjëja”.
Por pasi u fut në ambulancë, 15-vjeçarja pa dhëmbët dhe kockat, dhe tha ‘ajo aty është nofulla ime?”.
Kirurgu Ricardo Mohamed-Ali tha: “Mund të ishte më keq, por është një nga dëmtimet më domethënëse që kam parë tek një fëmijë jashtë zonave të konfliktit”.
“Lëndimi i Emily ishte domethënës në atë që e gjithë ana e majtë e nofullës së saj të poshtme nga pjesa e përparme e nofullës, u tërhoq nga fytyra dhe u mbajt vetëm nga një shirit i vogël i lëkurës. Nervat që furnizojnë ndjesi për buzën dhe mjekrën u shqyen nga të dyja anët. Degët e nervit të fytyrës që lëvizin muskujt e buzës së poshtme, u ndanë nga të dy anët. Pjesa e poshtme e fytyrës së Emily ishte ngjitur vetëm nga një pjesë e lëkurës”.