Një ngjarje e rëndë ka ndodhur gjatë ditës së sotme në Tiranë, ku një 51- vjeçar është goditur me mjete prerëse nga pronari i shtëpisë.
Sipas policisë, i plagosuri është dërguar në spitalin e Traumës ndërsa agresori është arrestuar nën veprën penale “Plagosje e rëndë me dashje”.
Njoftimi i policisë:
Plagos me mjet prerës për motive të dobëta, punëtorin që po i kryente punime në banesë, në pranga 44-vjeçari. Shërbimet e Policisë të Komisariatit Nr.4, arrestuan në flagrancë, shtetasin:
– S. A., 44 vjeç, banues në Tiranë (i dënuar më parë për “Vjedhje”). Në rrugën “Myslym Keta” brenda në banesë, ky shtetas ka goditur me mjet prerës për motive të dobëta shtetasin D. L., 51 vjeç i cili ka qënë duke kryer punime në banesën e shtetasit S. A. I dëmtuari D. L., aktualisht ndodhet në spitalin e Traumës nën kujdesin mjekësor.
Materialet i kaluan për veprime të mëtejshme Prokurorisë së Rrethit Gjyqësor Tiranë për veprën penale “Plagosje e rëndë me dashje”, në ngarkim të shtetasit S. A.
