Një ngjarje e rëndë ka ndodhur në Dragostunjë të Librazhit, ku një person ka vrarë bashkëshorten e tij dhe më pas i ka dhënë fund jetës.
Ende nuk dihen arsyet e kësaj ngjarjeje të rëndë, teksa mësohet se 56-vjeçari Qemal Bici ka goditur për vdekje me sopatë gruan e tij, 53-vjeçaren Menturie Bici.
Pas krimit, mësohet se Qemal Bici ka varur veten e tij në një pemë, pranë banesës ku ndodhi ngjarja e rëndë.
“Në fshatin Dragostunjë, Librazhd, në banesë shtetasi Q.B., rreth 56 vjeç, në rrethana ende të paqarta dyshohet se ka vrarë me mjet të mprehtë ( sopatë) bashkëshorten e tij shtetasen M.B., rreth 53 vjeçe dhe më pas ka varur veten.”, informon policia.
Grupi hetimor nën drejtimin Prokurorisë ndodhet në vendngjarje dhe po punohet për zbardhjen dhe dokumentimin e plotë të rrethanave të ngjarjes.
