Një ngjarje e rëndë është regjistruar mesditën e sotme në Fier, ku një 60-vjeçar është mbytur në plazhin publik në Pishë Poro, Darëzezë.
Viktima, i identifikuar me inicialet F.R, ka qenë se bashku me një tjetër person, shtetasin A.A, duke u larë në det dhe kanë rrezikuar jetën.
Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit.
60- vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve.
Njoftimi i policisë
Sot rreth orës 17:00, në plazhin publik në Pishë Poro, Darëzezë, shtetasit A. A., 47 vjeç dhe F. R., 60 vjeç, të dy banues në Fier, duke u larë në det kanë rrezikuar të mbyten. Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit. 60- vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve. Po punohet për zbardhjen e plotë të rrethanave të ngjarjes.