Një ngjarje e rëndë ka ndodhur në qytetin e Fierit. Mësohet se 29-vjeçari Demokrat Medinaj ka vrarë me thikë bashkëshorten e tij Irvana Medinaj dhe më pas është larguar nga banesa.
Ngjarja tragjike ka ndodhur në lagjen ”Sheq i Madh” rreth orës 17:20.
”Sot rreth orës 17:20, në lagjen “Sheq i Madh”, në banesë, shtetasi D. M., 29 vjeç, ka goditur me mjet të mprehtë( thikë), bashkëshorten e tij, shtetasen I. M., e cila ka ndërruar jetë.”, informon policia.
Janë ngritur pika kontrolli në hyrje dalje të qytetit dhe po punohet për kapjen e autorit i cili është larguar nga vendngjarja.
Grupi hetimor po punon për zbardhjen e plotë të rrethanave të ngjarjes.
