E rëndë në Brazil/ Pacientët me Covid-19 intubohen pa qetësues

Pacientët e infektuar me Covid në Brazil që janë në gjendje të rëndë shëndetësore intubohen në mënyra alternative për shkak të mungesës së qetësuesve.

Otempo shkruan se këtë e ka bërë të ditur një inferimere e cila ka folur në kushtet e anonimitetit.

Ajo ka thënë se në mungesë të qetësuesve ata i lidhin me zinxhirë në krevata pacientët dhe kur intubohen ata ndjejnë çdo gjë që u ndodh. Ajo gjithashtu tha se ka dhe disa pacientë humbin jetën gjatë procesit, për shkak të dhimbjes së madhe që ndjejnë.

“Ata janë të zgjuar, pa qetësues, të intubuar, me duart e tyre të lidhura në shtrat dhe duke na lutur që të mos i lëmë të vdesin. Ne nuk kemi ilaçe, nuk kemi qetësues për pacientët e sëmurë dhe fatkeqësisht, shumë prej tyre nuk ia dalin të mbijetojnë. Ne, punonjësit shëndetësorë, po ndihmojmë në dëshpërim, duke qarë, sepse nuk mund të bëjmë asgjë. Nuk kemi shiringa, madje as age,” tha infermierja.