Kryeministri në detyrë i Kosovës, Ramush Haradinaj shprehet se ideja për mini-Shengenin Ballkanik ka ardhur si qëllim për heqjen e taksës ndaj Serbisë.
Në një intervistë për KosovaPress, Haradinaj tha se nga kjo nismë bën që Serbia të ketë përfitim prej tregut të Kosovës dhe jo e anasjellta.
Haradinaj iu përgjigj edhe deklaratave të kryeministrit Rama, i cili kishte thënë se kreu i qeverisë së Kosovës është gënjeshtar.
Ramush Haradinaj tha se përmes “minishengenit” të gjithë ata që kanë investuar në ekonominë e Serbisë, përfshirë Rusinë, do të mund të kishin edhe Kosovën si treg.
“Po ai po bëhet nervoz, ai duhet ta kuptojë që bari nuk hamë në Kosovë, ne me këto tema jetojmë gjithë kohën, ne nuk kemi qare pa i nxjerr në dritë këto probleme, nuk mundemi me i hesht. Imagjinoni unë me hesht presionin për ndarje të Kosovës ose presionin që me i bë Kosovës lojëra të ndryshme që me kyç në ndonjë proces ku Kosova nuk vjen në sistem realisht, në mënyrë që Kosova me heq taksën dhe Serbia të përfitojë prej tregut tonë pa asnjë efekt pozitiv për Kosovën, kjo është e pakuptimtë”, tha ai.
