Vrasja e Klodian Rashës më 8 dhjetor të vitit 2020 nga efektivi Nevaldo Hajdaraj, ishte një ngjarje e rëndë që tronditi të gjithë vendin. Ditën e sotme, është bërë publike video e ekzekutimit të 25-vjeçarit nga Top Channel.
Nga pamjet në video, shihet se Klodiani ishte duke ecur në trotuar ndërsa polici Hajdaraj i thërret dhe i afrohet. Sapo ai kalon ndarëset e rrugës, Klodiani nxiton të largohet ndërsa polici mundohet ta kapë.
I riu ia del të largohet dhe efektivi bie në tokë, por në këtë moment ai nxjerr armë dhe qëllon pas shpine Rashën. 25-vjeçari bëri dhe disa hapa por më pas rrëzohet, dhe për pak minuta ndërrkon jetë.
Ditën e sotme, Prokuroria kërkoi 13 vite burg për efektin Nevaldo Hajdaraj.
Vrasja e Klodian Rashës shkaktoi zemërim popullor pasi u zhvilluan protesta të shumta dhe më pas ish-ministri i Brendshëm, Sandër Lleshaj dha dorëheqjen. Vendin e tij e zuri ish-ministri i Bujqësisë, Bledi Çuçi.
