Çdo ditë e më shumë po raportohen në polici rastet e abuzimeve. Një 45-vjeçar është vënë në pranga, pasi ka tentuar që të përdhunonte një 37-vjeçare. Nga ana e uniformave blu u bë arrestimi në flagrancë i shtetasit me inicialet F. Q., 45 vjeç, banues në Tërpan, Poliçan.
Ky i fundit ka tentuar të kryejë marrëdhënie seksuale me dhunë me një 37-vjeçare. Po të njëjtat burime zyrtare shtojnë se ky shtetas ka ushtruar dhunë psikologjike dhe fizike ndaj kunatës së tij, shtetases me inicialet E. Q.
Njoftimi i policisë:
Nga specialistët e Seksionit për Krimet në Stacionin e Policisë Poliçan u bë arrestimi në flagrancë i shtetasit F. Q., 45 vjeç, banues në Tërpan, Poliçan, pasi ka tentuar të kryejë marrëdhënie seksuale me dhunë me një 37-vjeçare. Gjithashtu ky shtetas ka ushtruar dhunë psikologjike dhe fizike ndaj kunatës së tij, shtetases E. Q. Materialet i kaluan Prokurorisë së Rrethit Gjyqësor Berat, për veprime të mëtejshme.
