Detaje të reja tronditëse janë zbuluar në lidhje me pengmarrjen e Jani Prengës, e ndërsa ende nuk dihet se ku ndodhet trupi i tij. Ai përfundoi i dhunuar për vdekje nga duart e bandave kriminale, për të paguar ‘haraçet’ e të vëllait. Mësohet se vëllai i Jani Prengës, Astriti, e ka dorëzuar pjesën e mallit si dhe 700 mijë eurot, por vëllai i tij nuk u dorëzua më as i gjallë dhe as i vdekur. Nga rrëfimi i vëllait të pengut të zhdukur, përmendet edhe një shtetas polak, bën me dije “Top Channel”.
Dëshmitari tregon se pas negociatave me Gramoz Rexhepin, ai ju ka thënë: “Unë ju jap besën, ktheni pjesën tuaj të kokainës, nga Astriri dhe Gëzim Shullani se do lirohet pengu”.
Astrit Prenga dhe Gëzim Shullani kanë kthyer pjesën e tyre prej 106 kg kokainë në Londër, duke e dorëzuar tek disa shtetas nga Polonia, të dërguar nga Dritan Rexhepi dhe Gentjan Doçi.
“Unë nuk e di”, shton dëshmitari se kujt ia dorëzoi vëllai (Astriti) kokainën, por ai më tregoi se bashkë me të ka dorëzuar edhe 700 mijë paund. Më tej në dëshminë e Anton Prengës i ardhur në Shqipëri për të gjetur të vëllain, gaetarja Anila Hoxha ju referohet sërish burimeve të policisë të angazhuara në hetim. Ditën e hënë në datën 22 janar, pesë ditë nga rrëmbimi, Gramoz Rexhepi ka telefonuar vëllain e pengut Ndrek Prenga (që gjendet në burg). Brenda dy orësh mësohet të ketë thënë nga Ekuadori Rexhepi, vëllai do lirohet. Por kur kjo gjë nuk ka ndodhur, dëshmitari tregon se janë kryer sërish telefonata me Ekuadorin dhe aty Rexhepi ka deklaruar “më kanë lëvizur nga fjala ata personat, unë të detyrohem të të jap emrat e tyre që kanë organizuar dhe kryer pengmarrjen. Ata quhen Gentjan Doçi, Gentjan Bleta dhe Korado Doda”.
Shkak për këtë rrëmbim është bërë konflikti i pazareve të drogës me të vëllanë e Jak Prengës, Astritin. Ky i fundit dyshohet të mos ketë dorëzuar 283 kg kokainë në destinacionin që duhej dhe mësohet se ka pasur konflikte të mëparshme me vëllezërit Hajri në Angli. Astrit Prenga është në burg aktualisht në Angli, ku rezulton i dënuar me 8 vite e gjysmë burg.
Gramoz Dritan Rexhepi, nga Vlora, personazhi më i fuqishëm i botës së krimit në Vlorë. I arrestuar në vitin 2014 është arrestuar me 240 kg kokainë në Ekuador, ndërsa më herët ishte akuzuar për përfshirje në vepra kriminale në Shqipëri. Besohet se është personi kyç që urdhëroi rrëmbimin e Jak Prengës.
