Një ngjarje e pazakontë ka ndodhur në qytetin e Korçës në këtë ditë feste për besimtarët ortodoksë.
Myftiu i Korçës Ledian Cikalleshi ka bërë një vizitë dhe urim në Mitropolinë e Korçës për festën e Pashkëve.
Ashtu sikurse Shqipëria njihet për bashkëjetesë fetare, myftiu ka dashur të tregojë edhe njëherë se të gjitha fetë predikojnë paqe dhe lumturi.
‘Kjo ditë, ashtu si në ditët e tjera të festave, njerëzit mblidhen, urojnë dhe festojnë me njëri-tjetrin, kjo ditë duhet të jetë një ditë reflektimi për ne. Një ditë kur ne të mendiojmë se zoti nuk kujtohet vetëm në ditët e festave apo kur kemi halle, por zoti do të jetë në jetën tonë, feja duhet të jetë në jetën tonë të gjitha ditët’, tha ndër të tjera Cikalleshi për mediat.
