Vijon protesta e opozitës së bashkuar, me një risi: pikërisht marshimi i tyre. Fillimisht është marshuar rreth e rrotull Kryeministrisë, ndërsa tashmë, po marshohet në drejtim të Parlamentit.
Ka qenë Noka ai që ka marrë sërish fjalën dhe u ka kërkuar protestuesve që të ndjekin liderin e PD-së, Lulzim Basha, i cili po marshon në drejtim të Kuvendit së bashku me kryetaren e LSI-së Kryemadhi dhe me ish-deputetin Fatmir Mediu.
Ky i fundit ka thënë në një prononcim për mediat se protesta nuk ndalet dhe se ky është uragani i shqiptarëve:
“Marshimi do të vazhdojë, protesta nuk ndalet. Ky është uragani i shqipatrëve. Do bëjmë gjithcka deri sa të rrëzohet kryeministri”.
