Lajmi i publikuar dje nga revista amerikane “Mother Jones” tregonte se Partia Demokratike ka lobuar në shuma të kripura në SHBA për të rritur imazhin e saj.
Sipas asaj që thuhej në shkrim, kreu i PD-së, Luzim Basha është sponsosorizuar nga kompanitë ruse për lobimin e kryer. Kujtojmë këtu se ishte pikërisht fotoja e publikuar nga Basha me presidentin Donald Trump, pak ditë para zgjedhjeve parlamentare, e cila krijoi polemika dhe sulme politike. Ndërkohë përmes lobimit thuhet se Basha ka paguar shumë të kripura për lobistin amerikan, i cili në tre muaj mori shumën mbi 650,000 mijë dollarë.
Ndërkohë PD-ja teksa ka përgënjeshtruar lajmin e publikuar, deklaroi se ky është një shkrim i paguar nga Edi Rama dhe ka për qëllim goditjen e PD-së dhe imazhin e saj. Për këtë ka reaguar bashkëautorja e investigimit, Hannah Levintova, e cila i quajti absurde deklaratat e Partisë Demokratike se është paguar nga Rama.
Kujtojmë se e dhe ambasada ruse në Shqipëri ka reaguar për këtë shkrim, ndërsa e quajti si një përpjekje për të hedhur baltë ndaj Rusisë . Në shkrimin e saj thuhet se Rusia nuk ka bërë asnjë ndërhyrja apo pagesë për të krijuar destabilitet politik në Ballkan apo ndërhyrje në zgjedhjet amerikane.
Ajo mbron faktin se kjo revistë ka shumë lexues, dhe se ka marrë çmime prestigjioze për punë profesionale që ajo ka kryer, duke lënë të kuptohet se pretendimet se janë paguar nga Rama, janë thjeshtë gënjeshtra të PD-së.
Gazetarja ka vijuar më tej ku thotë se:“Artikulli është kryesisht i bazuar në dokumentet e plotësuara për Mbretërinë e Bashkuar dhe të formularëve zyrtarë të lobeve në Shtetet e Bashkuara për Departamentin e Drejtësisë dhe Kongresin. Këto dokumente janë publikuar në shkrim. Akuzat se Mother Jones ka marrë para nga Edi Rama për ta publikuar këtë artikull janë absurde. Ne nuk pranojmë kurrë pagesa për një investigim, në çfarëdolloj forme qofshin ato dhe sigurisht që nuk e kemi bërë edhe në këtë rast.
Gjithashtu, Mother Jones është një uebsjat investigativ që ka fituar çmime për investigimet e tij dhe ka një sajt me 10 milionë lexues çdo muaj. Vitin e kaluar, ne fituam Çmimin Revista e Vitit dhe Çmimin Revista Kombëtare për raportimin më të mirë, nga Shoqata Amerikane e Botuesëve të Revistave në Shtetet e Bashkuara”-tha ajo për Shqiptarja.com
