Ish-kryeministri Berisha publikoi sot një denoncim të një qytetari, ku ndër të tjera u aludua se kryebashkiaku i Vlorës ishte marrë peng.
Por, pak orë pas këtij publikimi, Dritan Leli është shfaqur shëndoshë e mirë në qytetin e Vlorës. Ai i është përgjigjur interesit të medias, duke i dhënë një përgjigje edhe ish-kryeministrit Berisha, të cilit i kujton të merret me fëmijët e tij dhe të mos trembë fëmijët e Lelit.
“Në fakt unë jam në qytetin e Vlorë, me sa duket Saliu ka filluar të kujdeset edhe për mua. (Qesh) I këshilloj të merret me fëmijët e tij, të mos trembë fëmijët e mi. Unë jam shëndoshë e mirë, vazhdoj të punoj me miq shumë të mirë. Nuk arrijnë dot tek Dritan Leli njerëzit e tillë për të cilët shkuan Berisha”- tha Leli.
