Një 27-vjeçar ka rënë në prangat e bluve të Durrësit, pasi me anë të një thike ka kërcënuar shtetasen M.B., për të vjedhur paratë në banesën e saj.
Pasi është futur me forcë në banesën ku jetonte me qira shtetasja M. B., e ka goditur atë me grushte dhe nën kërcënimin e një thike, ka tentuar të vjedhë paratë.
Kjo tentativë grabitje ka ndodhur dje në zonën e Plazhit në Durrës. Falë ndërhyrjes së menjëhershme të policisë, autori është arrestuar në flagrancë.
Shërbimet e Stacionit të Policisë Plazh, kanë bërë të mundur arrestimin në flagrancë të shtetasit D. T., 27 vjeç, banues në Durrës.
I riu, në lagjen nr.13, Plazh, Durrës, pasi është futur me forcë në banesën ku jetonte me qira shtetasja M. B., e ka goditur atë me grushte, dhe nën kërcënimin e një mjeti të mprehtë (thikë), ka tentuar të vjedhë para në shtëpinë e saj.
Në cilësinë e provës materiale u sekuestrua mjeti i mprehtë (thikë). Materialet i kaluan Prokurorisë së Rrethit Gjyqësor Durrës, për veprën penale “Vjedhja me dhunë”.
