E keni tepruar me alkoolin një natë më parë? Pas një nate argëtuese, trupi juaj nuk ndihet i fuqishëm, për të vijuar me agjendën e ditës. Ju kërkoni që të qetësoheni, por janë disa mënyra për të kaluar gjendjen e lodhjes.
Me mjaft rëndësi është që ju të pini sa më shumë ujë.
Konsumimi në masë i alkoolit, bën që trupi ynë të humbë shumë lëngje, duke na lënë të dehidratuar. Zgjidhja ideale është që të mbani një shishe me ujë, në mënyrë që herë pas here të bëni dehidratimin e trupit tuaj. Edhe përdorimi i lëngjeve të frutave, do të ishte një zgjedhje efektive.
Pasi keni konsumuar shumë alkool, nuk duhet të harroni se stomaku dhe mëlçia juaj janë shumë delikate, dhe përdorimi i medikamenteve do ta përkeqësonte gjendjen shëndetësore.
Mos merrni ilaçe pa recetën e mjekut, pasi nuk dihet sesi mund të veprojë organizmi. Gjatë orëve të pushimit, duhet që edhe të konsumoni diçka të lehtë. Patatja, banania dhe zarzavatet jeshile janë të këshillueshme për të rregulluar stomakun tuaj.
