Mbledhja e kryeministrit Rama me drejtuesit e Veriut është shoqëruar me debate të shumta. Tonet janë ngritur dhe ka patur një përplasje mes kryeministrit Edi Rama dhe deputetit të PS, Paulin Stërkaj.
Ky i fundit e ka fajësuar Ramën, duke i kërkuar që kjo gjë të marrë fund, pasi e ka kthyer në tender. Por kryeministri në kundërpërgjigje është shprehur se tashmë çështjen do e marrë në dorë vetë. Ai ka shtuar më tej se problemet në PS e Shkodrës, do të diskutohen në një mbledhje të posaçme të hënën.
Debati në mbledhjen e PS:
Paulin Stërkaj: E keni kthyer në tender, kjo gjë duhet të marrë fund. Emërimet e drejtorëve, secili çon emrat e tij.
Edi Rama: Nuk e kemi bërë si tender. Musai më tha që i keni çuar 7 lista. Kam pritur deri më tani, që këtë problem t’a zgjidhni ju. Tani do merrem vetë, meqë ju nuk i dhatë drejtim.
Problemet në PS e Shkodrës do të diskutohen në një mbledhje të posaçme të hënën. Në mbledhjen e të hënës, do të diskutohet për emërimet e drejtorëve të rinj në Shkodër. Për aq kohë sa ju nuk vendosni mes veti, do t’i vendos unë drejtorët.
