Meta është dorëzuar dhe ka mbajtur maskën gjatë konferencës me gazetarët. Ai zbuloi se mbajtja e maskës ka qenë tejet e vështirë për të, por ky gjest nuk ka të bëjë me thirrjet e kryeministrit Rama. Presidenti tha se të gjithë qytetarët duhet të mbrohen, ndaj mbajtja e maskës është e detyrueshme.
“Unë e kam patur tmerr të mbaj maskë, por në momentet aktuale për të mos lënë hapsirë për spekullim, u bëj të gjithëve thirrje të mbajnë maskat. Nuk ka lidhje me thirrjet e kryeministrit, por në kushtet aktuale qytetarët duhet të mbrohen”, tha presidenti Meta.
Ai u shpreh i shqetësuar për numrat në rritje të të infektuarve me koronavirus. “U vonova për konferencën, pasi isha për ngushëllim tek një bashkëmoshatari im. Nesër do jem prapë. Tregon një vështirësi të sistemit tonë për të përballuar këtë ngarkesë të madhe”, u tha Meta gazetarëve, duke shtuar se sistemi shëndetësor është në vështirësi serioze si pasojë e situatës së koronavirusit.
