Gjykata e Shkodrës ka liruar nga qelia, duke caktuar masën e sigurisë ‘detyrim paraqitje’ për të vijuar hetimet në gjendje të lirë për Margarita Gjonin, e cila mori peng të dashurën e të fejuarit. Ajo e dhunoi dhe më pas i publikoi pamjet në rrjetet sociale. Videot bënë xhiron e rrjeteve sociale.
Në sallën e gjyqit, 30-vjeçarja Gjoni nuk ka folur. Avokati i saj, Besmir Kolci është shprehur se Margarita Gjoni është penduar për dhunën, por e justifikoi me faktin se ‘kur e ka marrë vesh çfarë ka ndodhur është tronditur, prandaj e ka goditur’. Arrestimi i Gjonit erdhi pas denoncimit nga 22-vjeçarja me inicialet B. Rr.
30-vjeçarja e dhunoi dhe kërcënoi 22-vjeçaren, pasi e kishte kapur me të fejuarin.
Avokati i Margarita Gjonit, e ka justifikuar në gjykatë. Përpara trupit gjykues, Kolci është shprehur se Gjoni ka ushtruar dhunë, sepse ka qenë e tronditur. Ai ka shtuar se klientja e tij me të dhunuarën kanë qenë shoqe, dhe kjo ka qenë pjesa që e ka tronditur më shumë.
“E ka patur shoqe, e mbajti me të ngrënë e me të pirë. Është tronditur nga ky fakt, dhe e ka dhunuar”, mësohet se është shprehur Kolci.
