Një 19-vjeçar nga fshati Kotë, në Vlorë, është përplasur qëllimisht nga një makinë, ku si pasojë ka mbetur i plagosur.
Sipas policisë, Adhurim Gucaj, 38 vjeç, ka goditur me makinë për motive të dobëta Paulo Durmishajn, ndërsa mësohet se autori është arrestuar pak minuta pas ngjarjes.
Në një prononcim për News24, 19-vjeçari tregon se si u përplas qëllimisht nga roja e një firme guroreje, për shkak të konfliktit të pronësisë që familja e tij ka me pronarin e firmës.
“Ishte një benz i bardhë dhe ma bën me drita me bori, ‘hap krahun’. Në atë moment ai i dha gaz dhe më goditi. Dola direkt nga makina se kisha frikë se mos më godiste përsëri e na hidhte në greminë. Ai quhet Ermal Ngucaj, unë e kam parë edhe një herë tjetër. Unë nuk është se kam konflikt personal me atë por kam me pronarin e atij. Ai punon te gurorja e Vlorës, thjesht roje. Edhe them se mund ta ketë futur ai (pronari), për të trembur, për të marrë jetën, s’e di”, u shpreh Paulo Durmishaj.
Ndërkohë policia ka proceduar në gjendje të lirë pronarin e firmës së gurores, Ylli Sala, dhe teknikun e kësaj shoqërie, Bashkim Hajro.
Nga ana tjetër, e ëma e 19-vjeçarit bën apel për drejtësi dhe kërkon mbrojtje nga policia për djalin të saj.
