Ish-deputeti i PD-së, Luçiano Boçi sulmon mazhorancën pas zgjedhjeve të 30 qershorit.
Përmes një statusi në Facebook, Boçi shprehet se Rilindja po lavdërohet për faktin se është hajdute duke sjellë në vëmendje publikimin e IPS-së ku shihej se në Elbasan kishte më shumë vota se numri i pjesëmarrësve.
“5000 fletë votimi më shumë në Elbasan se numri i votuesve edhe ky i manipuluar nga Komisioni Qendror i Hajdutërisë. E njëjta situatë në Cërrik, Peqin, Gramsh, Librazhd, Prrenjas e Belsh. Kështu në gjithë Shqipërinë. Të lavdërohesh se je hajdut votash do të thotë as më shumë e as më pak, të hash turpin me vota”, shkruan Boçi në postimin e tij.
Kujtojmë se më herët, Instituti i Studimeve Politike ka bërë publike disa të dhëna të KQZ-së, të cilat sipas saj vetëm vërtetojnë më shumë manipulimin e numrit të pjesëmarrësve, në zgjedhje.
Në dokumentin e paraqitur në Facebook, ISP-ja konstaton një tjetër rast, atë në Elbasan ku në kuti shfaqen më shumë vota se numri i pjesëmarrësve. Pas këtij publikimi nga ana e këtij institucioni, KQZ e zhduku dokumentin nga faqja e saj zyrtare.
Postimi i plotë:
TË LAVDËROHESH SE JE HAJDUT
Kjo po ndodh me Rilindjen…
Pasi nxorrën me përdhunë administratën, ato të ndihmës ekonomike e përkrahjes sociale, angazhuan bandat, mbushën kutitë,
krenohen me hajdutërinë e tyre live.
Dalin në takime e i bien gjoksit se kanë futur vota në kuti nga frika e refuzimit që i bënë Shqiptarët dhe këtë hajdutëri e kanë bërë në emër të shqiptarëve.
5000 fletë votimi më shumë në Elbasan se numri i votuesve edhe ky i manipuluar nga Komisioni Qendror i Hajdutërisë.
E njëjta situatë në Cërrik, Peqin, Gramsh, Librazhd, Prrenjas e Belsh.
Kështu në gjithë Shqipërinë.
Të lavdërohesh se je hajdut votash do të thotë as më shumë e as më pak, të hash turpin me vota!!!!
