Makina tip “Benz”, në pronësi të M. Peqinit, e cila iu grabit me armë nga dy persona mbrëmjen e kaluar në vendin e njohur si “Pushimi i Shoferit” në Lushnjë, është gjetur në Vlorë.
Mjeti tip “Benz” është gjetur ditën e sotme në Vlorë, në lagjen Pavarësia.
Autorët e kanë lënë atë në brendësi të një blloku banimi, ndërsa policia ende nuk i ka identifikuar ata.
Grabitja me armë ka ndodhur mbrëmjen e djeshme, rreth orës 22:00 në Lushnjë, në vendin e quajtur “Pushimi i Shoferit”.
Dy persona të maskuar kanë ndaluar makinën tip “Benz”, dhe pasi e kanë detyruar që të zbresë, i kanë marrë makinën dhe janë larguar.
