Një banesë ka rënë pre e grabitësve e më tej është djegur. Rasti i radhës ka ndodhur në Rusan të Delvinës. Lidhur me këtë çështje, një reagim ka ardhur nga pronari i banesës së dëmtuar.
Pronari i shtëpisë shprehet se kjo nuk është hera e parë që grabitet, dhe se është i penduar pse është kthyer nga Greqia në Shqipëri. “E kemi bërë me mund e me djersë, nuk i kemi rënë në qafë njeriu.
Na morën në telefon dhe na thanë që është djegur banesa. Nuk kam ardhur të krijoj konflikte, por të shoh punën time. Edhe në vitin 2018 ma vodhën shtëpinë. Kam bërë gabim që jam kthyer, duhet të rrija në Greqi”, shprehet pronari i shtëpisë.
