Ndërkohë që gjithë bota mbetet ne ankth për një sulm të paralajmëruar të SHBA-së drejt Sirisë, vjen reagimi i Donald Trump për kohën kur do të ndodhe një sulm i tillë.
Me një shënim në Tëitter, Presidenti i SHBA, Donald Trump, ka sqaruar se ai kurrë nuk ka specifikuar se kur SHBA do të kryejë një sulm ndaj Sirisë.
“Asnjëherë nuk u tha kur do të ndodhte një sulm ndaj Sirisë. Mund të jetë shumë shpejt ose jo aq shpejt”- ka shkruar Trump, duke lëvduar punën qe po bën SHBA nën presidencën e tij.
Por, pavarësisht paralajmërimeve të presidentit Tramp për sulm me raketa në Siri, Shtëpia e Bardhë njoftoi se ende nuk është marrë një vendim.
Zëdhënësja Sarah Sanders tha aktualisht të gjitha opsionet po shqyrtohen përfshirë edhe ndërhyrjen ushtarake.
Presidenti amerikan Donald TrUmp bisedoi në telefon presidentin turk Rexhep Taip Erdogan, me të cilin ra dakord për të qëndruar në kontakt për të mbajtur situatën nën kontroll.
Më herët presidenti rus Vladimir Putin tha se shpresonte që fryma e bashkëpunimit të mbizotëronte pas kërcënimeve të Trumpit për sulm në Siri.
SHBA akuzon regjimin sirian për sulmin kimik të së shtunës në Duma ku u vranë rreth 100 persona. TIRANA TODAY
