Shkarkohen drejtorët e Autoritetit Kombëtar të Ushqimit në qytetin e Korçës, Durrësit dhe Tiranës.
Shkarkimi vjen me arsyetimin e performancës së dobët në punë dhe mospërmbushjes së detyraveve. Mësohet se veç drejtorëve, janë shkarkuar edhe disa inspektore të AKU në Korçë , ndërkohë të tjerë inspektorë kanë marrë masën pezullim nga puna po në Korçë.
Pas denoncimeve në media, siguria ushqimore është kthyer tashmë në qendër të vëmendjes edhe nga qeveria.
Kryeministri Rama tha se do ketë ndryshime në Kodin Penal për të gjithë ata që abuzojnë me shëndetin e qytetarëve, duke propozuar një ndëshkim deri në 15 vite burg.
