Një sherr mes disa personave ka degraduar në përdorimin e armëve të ftohta, duke çuar në plagosjen e një personi.
Ngjarja ka ndodhur pak më parë në rrugën “Frosina Plaku” në Tiranë, ndërsa mësohet se ka mbetur i plagosur një 25-vjeçar, me iniciale S.Gj, i cili është sulmuar me thikë.
Ai është dërguar me urgjencë në Spitalin e Traumës, ku ndodhet jashtë rrezikut për jetën. Ende nuk dihen shkaqet e sherrit, ndërsa policia vijon punën për kapjen e autorit me iniciale E.K.
Njoftimi i Policisë:
Tiranë/Informacion paraprak
Në rrugën “Frosina Plaku”, dyshohet se gjatë një konfkikti për motive të dobëta shtetasi E.K, ka plagosur me mjet prerës shtetasin S.Gj, i cili ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Shërbimet e Policisë po punojnë për kapjen e shtetasit E.K.
