Prej orës 10:00 të mëngjesit të sotëm, ka nisur te Krimet e Rënda seanca për ish-ministrin e Brendshëm, Saimir Tahiri.
Gjyqtarja Miliana Muça ishte tërhequr për të marrë vendimin, ndërsa ish-ministri ka kërkuar pushimin e çështjes. Gjykata ka vendosur nisjen e gjykimit të çështjes Tahiri, ndërsa ish-ministri ka kërkuar gjykim të shkurtuar.
Më 28 shkurt, Prokuroria mbylli hetimet dhe dërgoi dosjen e Tahirit në Gjykatë. Ish-ministri akuzohet për “Trafikim të lëndëve narkotike” në kuadër të grupit të strukturuar kriminal “Habilaj” dhe “Korrupsionit pasiv të funksionarëve të lartë shtetërorë”.
