Policia ka rrethuar Gjykatën e Vlorës, pasi dyshohet se pranë saj është vendosur lëndë plasëse me telekomandë. Konkretisht, një pako është gjetur pranë një zyre avokatie, brenda së cilës dyshohet se ka eksploziv.
Mësohet se aktualisht policia ka rrethuar zonën pranë Gjykatës, ndërsa priten forcat xheniere për të bërë veprimet e mëtejshme për të verifikuar nëse është vendosur eksploziv.
“Sot rreth orës 14:14, në lagjen “Hajro Çakërri” në Vlorë, në derën e një zyre ligjore është gjetur një objekt ku brenda tij dyshohet të ketë lëndë plasëse. Grupi hetimor po punon për sqarimin e rrethanave të ngjarjes. Priten forcat e posaçme xheniere në lidhje me vijimësinë e veprimeve”, njofton policia.
