Presidenti Ilir Meta ka pasur takime të njëpasnjëshme sot, në kuadër të krizës politike teksa po përpiqet të ulë palët në një tryezë të përbashkët.
Edhe pse Rama refuzoi të merrte pjesë në një takim me kreun e Shtetit, ky i fundit ka vijuar agjendën teksa sot është takuar me kreun e PD-së, Lulzim Basha si dhe me kreun e grupit parlamentar të LSI-së, Petrit Vasilin.
Pak më parë, mësohet se Meta ka pritur në zyrë përfaqësuesen e KiE, Jutta Gutzkow. Ky takim vjen një ditë pasi KiE anuloi vëzhguesit për zgjedhjet.
Më pas, Meta do presë në zyrë edhe krerët e partive të djathta.
