Kryeministri Edi Rama po zhvillon një takim me delegacionin e Kongresit Amerikan dhe Këshillin e Atlantikut.
Më herët ky delegacion pati një takim me presidentin Meta, ndërsa sipas agjendës, në orën 11:15 do të takohet me kreun e Kuvendit, Gramoz Ruçi.
Një takim tjetër me rëndësi i delegacionit në fjalë është ai që pritet të mbahet në orën 15:00 me kryedemokratin Lulzim Basha.
Ky takim vjen në kuadër të krizës politike thuajse një muaj para datës së zgjedhjeve vendore, për të cilët presidenti Meta është shprehur i gatshëm t’i shtyjë dhe opozita mban qëndrim bojkotues, teksa kërkon largimin e kryeministrit Rama.
