Kreu i Partisë Demokratike, Lulzim Basha ka dalë në një deklaratë për shtyp, ku tha se zgjedhje më 30 qershor nuk do të ketë.
Lajmin se PS po përgatit shkarkimin e presidentit Meta, Basha e cilësoi si një blof të Ramës që të shpërqendrojë vëmendjen e opinionit publik ndaj përgjimeve dhe aferës korruptive për aksin Milot-Balldre.
Më tej, kreu i PD-së tha se nuk i takon atij dhe askujt të gjykojë veprimin e Metës, por vetëm Gjykatës Kushtetuese, të cilën Rama e ka shkatërruar.
“Drogën nuk e kam sjellë unë, paratë e drogës nuk i kam fut unë mes zgjedhjeve, krimin nuk e futa unë në çdo qelizë të shtetit. Krimin, drogën dhe të keqen e krimit në politikë e ka futur Edi Rama”, tha ndër të tjera Basha.
Fjala e kreut të PD-së:
Nuk do të ketë zgjedhje lokale më 30 qershor. Rama po përbetohet se do i mbajë zgjedhjet edhe pa dekret presidencial edh epa pjesëmarrje politike, po përbetohet se do nisë procedurat për shkarkimin e presidentit.
Janë blofe me qëllim shpërqendrimin e publikut. Ai nuk do të flitet për përgjimet, për aferën 250 milion në rrugës Balldren.
Po kërkon të vërë në skenë një dramë me qëllim që të harrohet se Astrit Avdylaj është kryetatimori, kryedoganieri i Durrësit, gjë që fakton qeverisjen e PS me krimin.
Këmbëngulja dhe beteja e vazhdueshme nga krimi dhe droga janë përpjekje për të shpëtuar vendin nga krimi i organizuar. Sepse kur krimi dhe droga futen në ekonomi, nuk ka më vend për sipërmarrës të ndershëm. Beteja ime dhe e PD-së është betejë për të ardhmen e sigurt të Shqipërisë.
Drogën nuk e kam sjellë unë, paratë e drogës nuk i kam fut unë mes zgjedhjeve, krimin nuk e futa unë në çdo qelizë të shtetit.
Krimin, drogën dhe të keqen e krimit në politikë e ka futur Edi Rama.
Kush do e gjykojë dhe shkarkojë presidentin? Ilir Ndraxhi, apo Çyrbja? Apo Reme Lala? Kush do e gjykojë dhe shkarkojë presidentin? Damian Gjiknuri që donte të pastronte 30 milion euro për llogari të Edi Ramës? Nuk më takon as mua të gjykoj vendimin e presidentit, ndonëse e mbështes plotësisht.
Vendimi kushtetues i presidenti i shërben njerëzve. Ka vetëm një institucion që mund të shprehet: Gjykata Kushtetuese. Atë e ka shkatërruar Edi Rama, siç ka shkatërruar Gjykatën e Lartë.
Beteja jonë është betejë për lirinë e Evropës./ Tirana Today
