Ambasada e SHBA-ve në Tiranë ka reaguar lidhur me protestën e opozitës së bashkuar, e cila është zhvendosur tashmë pranë Kuvendit.
Në një postim në Facebook, ambasada dënon dhunën, ndërsa bën thirrje që ajo të ndalojë si dhe kërkon vetëpërmbajtje nga të gjitha palët.
“Ambasada e SHBA dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit. Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje”, shkruhet në reagimin e Ambasadës së SHBA-ve.
