Jo vetëm Italia, por edhe Spanja për fat të keq po njeh rritje të numrit të të prekurve me koronavirus. Madje, me këto ritme që po kap Spanja, po i afrohet me shpejtësi numrit të të infektuarve në Itali.
Në vend numërohen mbi nëntë mijë raste infeksioni, të përqendruara më shumë se gjysma kryesisht në Madrid.
Numri i viktimave nga Covid-19 ka shkuar në 329. Sikundër shumë vende të tjera në botë, edhe qeveria spanjolle ka vulosur mbylljen e kufijve dhe ka vendosur gjendjen e jashtëzakonshme.
Sikundër edhe në Itali, duket se sistemi shëndetësorë në Spanjë ka hyrë në krizë. Në spitale ka mungesë të theksuar të mjeteve mbrojtëse si maska dhe kostume mjekësorë. Qytetarët janë vetë-izoluar, për tu mbrojtur nga shpërthimi i koronavirusit.
