Gjatë 24 orëve të fundit, në Greqi janë shënuar tre rekorde për sa i përket numrit të vdekjeve, infektimeve dhe personave të intubuar.
Të dhënat nga mediat greke, bëjnë me dije se janë regjistruar 3.316 raste të reja të virusit, nga të cilat 24 u zbuluan pas kontrolleve në hyrjet e vendit.
Numri i përgjithshëm i rasteve aktive është 66.637, nga të cilat 54.1% janë burra.
Po në 24 orët e fundit, janë regjistruar gjithashtu 50 viktima, duke e çuar në total numrin e personave që kanë ndërruar jetë në 959. Ndërkohë, në spitale në gjendje të intubuar aktualisht ndodhen 310 pacientë.
