Mbretëria e Bashkuar është për momentin shteti evropian që po shënon numrin më të madh të viktimave nga koronavirusi.
Mirëpo si duket situata është qetësuar ndjeshëm në dy ditët e fundit, duke regjistruar bilancet më të ulëta që nga muaji mars.
Ditën e djeshme u regjistrua një përgjysmim i numrit të viktimave 315, në krahasim me një ditë më parë 621. Ndërkohë në 24 orët e fundit shifrat kanë rënë sërish, teksa raportohet të jenë shënuar vetëm 229 viktima.
Kjo është shifra më e ulët që MB ka regjistruar që nga data 29 mars. Kështu shkon në 28,650 numri i viktimave nga koronavirusi në Mbretërinë e Bashkuar.
Ajo renditet e treta në botë për numrin më të madh të viktimave, pas Italisë dhe SHBA-ve. Që nga shpërthimi i pandemisë, Britania numëron më shumë se 187 mijë raste infektimi.
COVID-19 ka infektuar rreth 3,6 milionë njerëz nga e gjithë bota, ndërsa i ka marrë jetën më shumë se 249 mijë personave.
