Edhe banorët e “Unazës së Re” i janë bashkuar manifestimit të thirrur nga Presidenti i Republikës, Ilir Meta.
Të veshur me jelekët e tyre portokalli e flamuj të vegjël kuq e zi në duar, ata kanë marshuar nga “Unaza e Re” drejt Bulevardit me thirrje si “Liri Demokraci!”, “E duam Shqipërinë si gjithë Europa”.
Jo vetëm ata, por edhe një pjesë e madhe e qytetarëve kanë lidhur në krah flamurin kuqezi, duke përcjellë mesazhin se ky është një manifestim në mbrojtje të Kushtetutës.
Policët dhe Forcat e Ndërhyrjes së Shpejtë janë vendosur përgjatë gjithë Kryeministrisë, për të shmangur ndonjë incident të mundshëm.
